A Talk about a one Diary

👉મૃત્યું એટલે પરમાત્માને પોતાના કર્મોનો હિસાબ આપવાનો શુભ દિવસ.

👉ઈશ્વરને શોધતા પહેલાં માણસે માણસ થવું જોઈએ. માણસ થતાં વેત ઈશ્વર સામેથી દેખાશે.

👉સંસારના વિચારો એનું નામ ચિંતા

    આત્માના વિચારો એનું નામ ચિંતન

      આવા અનેક ગુઢાર્થ ભરેલા ચિંતનવાક્યો ગમે તેવા જડ મગજને ચેતન કરી મુકે એવા છે. મે આવા ઘણા વાક્યો અગાઉ અવારનવાર ફેસબુક પર મુકેલા એની કોમેન્ટો એટલી અસરકારક હતી કે એ અહીં મુકી શકાય એવી નથી. એકવાર લખેલું;

      'જે સાચુ બોલતો નથી, જે સાચુ સાંભળતો નથી અને જે સાચુ અાચરતો પણ નથી એ બધા બિકણ છે'

     તમે નહી માનો એવા પ્રતિભાવો મળ્યા ! એક વાર લખલું કે;

     'પાપકર્મ પુણ્યકર્મ થકી નાશ પામતાં નથી-સ્વયં શ્રીરામના પિતા દશરથને પણ પાપકર્મ ભોગવવા પડ્યા હતાં'

      આ વાક્ય લખવાથી અનેક લોકોના દિલમાં ડર પેદા થયો અને એક જણે તો મને કશુંક બનવાની સલાહ આપી ! જોકે એ હું છું જ !

      

    આ કોઈ સામાન્ય વાક્યો કે વિચારો નથી. મે તેને 'આજના જમાનામાં આધ્યાત્મિક વિચાર દોહન' નામ આપ્યું છે. સરસ મજાનું સંકલન સાહેબશ્રી વિષ્ણુપ્રસાદ ત્રિવેદી સાહેબે કર્યું છે. એ અાખો રંગબેરંગી બગીચો છે. એમા સાહેબનો અનુભવ નિચોડથી લઈને મહાનલોકોની ઉક્તિઓ, શાસ્ત્રોના કથનો એટલું જ નહી ફિલસુફી સાહિત્ય જગતની કાવ્યમય કંડિકાઓ આવરી લીધી છે. આભાર સાહેબશ્રીનો કે સર્વપ્રથમ એમણે આ તમામ સાહિત્ય મને પીરસ્યું. સાહેબ શિક્ષક છે. ભૂદેવ પણ છે. તેઓ પોતાની ડાયરીમાં લખે છે કે 'કર્મ થકી મહાનતા છે.' વળી 'બહ્મને જાણે તે બ્રાહ્મણ' એટલે સાહેબ "મૂળે અને કૂળે તથા કર્મે નખશિખ બ્રાહ્મણ છે એમ કહી શકાય." આજે આવા લોકો ઓછા છે જેને ભૂદેવ કહી શકીએ ખરુ ને ?

    "મારૂ જીવન પ્રભુમય છે, કોઈ મારી વિવેચના કરે તો હું મારૂ શુભ વિચારવાનું ના છોડું આમેય સુરજ ઉગે ત્યારે અનેક લોકો ઉંઘતા જ હોય છે !"

સાહેબે લખેલું કે;

     મે જ્યારે સાહેબની ડાયરી થોડીક વાંચી ત્યારે સાહજિક આશ્ચર્ય સાથે પુછી લીધું ; ' તમે આ તમારા યૌવનકાળમાં લખી હશે ! ખરેખર આજે તમે એ નથી એવું મને કેમ લાગે છે ?'

     સાહેબે કિધું; 'હા.... , આજેપણ મને વહેલા ઉઠી કંઈક લખવાની ટેવ છે. પરિસ્થિતિ આજે એવી છે થઇ કે...'

      

    નિ:શબ્દ થઈ પડ્યા. એકવાર તો સાહેબને મીઠો ઠપકો મારા મને મે આપેલો. મારી આજુબાજુ જે તાજેતરમા બીનાઓ લોકો દ્વારા બનતી હતી તે અનિતિમય હતી. આથી સાહેબને કિધું કે ; 'તમને એવું નથી લાગતું સાહેબ કે તમે તમારુ કર્તવ્ય ચુક્યા છો ?'

    સાહેબ મૌન જ રહ્યા. આજે જ્યારે વિચારૂ ત્યારે લાગે છે કે ભારતે પોતાનું શાસનતો લાવ્યું પણ અધકચરુ. વહેલી તકે દેશ(આવા વિચારકોને) સંભાળી(સાભળશે) લેવામાં નહી આવે તો એક ભયંકર દશા થશે. ચાણક્યને ચિંતા હતી યવનોના અાક્રમણની-દેશ બચ્યો કેમકે રાજાશાહી હતી. આજે લોકશાહીમાં દરેક જણ પોતાનો એક અલાયદો ધ્વજ એપણ મતના(વસતીના-વોટ) જોરે(અર્થાત અર્થ વગરનો-દેશના વિકાસને રૂંધે એવો) ખડો થયો છે. આ વિચારોને સાહેબે ડાયરીમાં ચિંતન નામ આપી સંબોધ્યો છે.

    શું આ વટવૃક્ષોની છાયાની આ પેઢીને જરૂર નથી ? સાહેબના મિત્ર ને મારા ગુરૂશિક્ષક ડિ.જી.સાહેબ ખુદ વિષ્ણુપ્રસાદ સાહેબને ગુરૂ ગણે છે. જ્યારે ગલીમા રખડતા અને એક વોટ્સપ ગ્રુપના નવરા એડ્મિન સાહેબ વિશે ખરાબ વચનો કહ્યા- કેટલી કરુણતા ! જોકે સાહેબને આ વાતની કશી પરવા નથી પણ મને છે. એક કાચી કેરી ટોપલાની સઘળી કેરીઓને બગાડે. એક સત્ય હજું ઘર બહાર નીકળ્યું ન હોય ત્યાતો એક જુઠ્ઠાણું અડઘી દુનિયા ફરી વળ્યું હોય ! સત્યને એક માણસ દુર્લભ અને અસત્યને ટોળેટોળા ! ત્યારે સાહેબ હસતાં હસતાં કહે ખરા- 'સુરેશભાઈ- આ કોરોના ટોળા વિખેરવા આવે છે !'

    ડાયરી વાંચતા જાણેકે આજના બધા જ વિચારકો,ફિલસુફો અને આધ્યાત્મિકોની સાવ પાસેથી નિકળ્યો. એક ક્ષણતો એમને મળ્યો હોવ એવો અહેસાસ પણ થયો ! શાયદ દરેક માણસને આ ડાયરી વાંચતા અાવો જ અહેસાસ થશે. એટલું જ નહી આપણી અંદર જે પણ મલિનતા છે એ મટીને માણસ બનવાની શરૂઆત થશે. સાહેબને કહેલું કે આ ડાયરીને પુસ્તક સ્વરુપે બહાર પાડો. એ પણ જલ્દિ. બની શકે કોઈ એવો માણસ જાગૃત થાય અને આ ટોળાઓને રસ્તો બતાવે. મે આ ડાયરીમાં મેળવ્યું એના કરતાં વધારે પ્રશ્નો ઉભા થયાં- તો પછી આ ઈન્સાન આટલા પ્રપંચો શા માટે કરે ? આપણે પ્રકૃતિને વિકસવામાં મદદ કરવી જોઈએને- ઉલટાનું આપણે તો દખલ દઈએ છીએ. અને ભારતના લોકોની વાત જ નોખી- અહીંતો માણસ જ શેતાન છે. સાહેબ જોડે ચર્ચા થઇ તેમણે કહ્યું;

    'સતયુગ કે દરેક યુગમાં રાક્ષસોને માથે શિંગડા હતા-કળયુગમાં શિંગડા નથી એટલું જ બાકી રાક્ષસો છે જ."

    મને કોઈ રોષ નથી. પણ... આ અસમાનતા કુદરત નથી સર્જતો તો પછી માણસ કેમ સર્જે છે. ઋગ્વેદમા પણ કિધું છે કે;' સં ગંછધ્વં સં વદધ્વમં સં વો માનાસી જાનતામ્' તો પછી ...ખૂબ જ અપ્રમાણિક પણે માણસ આજે વર્તિ રહ્યો છે.'

    ખેર, સાહેબે ડાયરીમા આવા ચિંતનો સિવાય શાંતિના ઉપાયો-સુખના ઉપાયોની વાત કરી છે. તેઓએ સ્વામિ વિવેકાનંદજીના ટુંકમા તમામ વિચારોનો સમાવેશ કર્યો છે. ટુંકમા જીવનના તમામ પાસાઓને આ ડાયરી સ્પર્શે છે.

    જો તમે થાકેલા હારેલા અને હતાશ થયેલા હશો તો તો આ ડાયરી ગુરૂની જેમ ગરજ સારે છે. સાહેબને વિનંતી કરીશ કે આ ડાયરીને જલ્દિથી જલ્દિ રસિકો અને માનવજાત માટે પુસ્તક સ્વરૂપે ખુલ્લી મુકે.

એક કાવ્ય-મે લખી નથી. આપોઆપ.....(એક દિવસ હું નાસ્તિકતા તરફ વળેલો છોડ હતો પણ જોયું કે મારા જેવા ભટકેલા લોકોનો જો કોઇ સાથી થવા ત્યાર હોય તો તે માત્ર આ ભોળિયો ઈશ્વર છે. જો તેના શબ્દથી મને સાથનો અહેસાસ થતો હોય તો બીજું મારે જોઈ શું-એના પાસેથી ?)

-આમને આમ આશા રહી જવાની !

દિવસ-રાત;

સંધ્યા-પ્રભાત.

આમને આમ જિંદગી વઈ જવાની !

ન જીવ્યા ન મર્યા;

ન ઈશ્વરને કદી સ્મર્યા.

આમને આમ લાશ સળગી જવાની !

મોહ ક્રોધ લોભ કામ;

છુટ્યો કદીના શરીર આરામ.

આમને આમ  માટી  મળી જવાની !

છોડવો હતો આ સંસાર;

પણ છુટ્યો જ નહી પગાર.

આમને આમ અસ્થિ ઘસાઇ જવાની !

શાસ્ત્રો સાચા હતાં,

પણ અમે કાચા હતાં.

આમને આમ કુબુદ્ધી તક લઇ જવાની !

સુધારો કરવો સમાજનો,

વહેમ હતો કાચી સમજનો.

આમને આમ વાસ્તવિકતા સંતાઈ જવાની !

બાલ્ય યૌવન ને આ ઘડપણ;

હમણા કરશું આ કામ પણ.

આમને આમ ક્ષણો વીતી જવાની !

કશુંક કરશું જટ કરશું

અમર થાશું જટ કરશું

આમને આમ આશા રહી જવાની !

-કશુંક

સાહેબે સાચુ લખ્યું છે; ' પુસ્તકો વાંચવાથી ઈચ્છવા છતા એક સરખી લીટી લખાતી નથી. પરંતુ એક એવો મીઠો-કડવો અનુભવ માણસને આખી પુસ્તક લખાવી શકે છે." મારા જીવનમાં શાયદ આવું નહોતું થવું જોઈતું. પણ થઈ ગયું ને થઈ રહ્યું છે. શાયદ આ સાહેબના મત્તે પુર્વઆયોજિત હશે અથવા કર્મઆધિન. છતાં માણસે સાવ ઈશ્વર પર ભરોસો રાખીને ઘરના બારણા બંધતો કરવા જ જોઈએ.. આ ડાયરી અદભૂત છે. મને જે સારૂ મળ્યું એ દરેકને મળો...અને જો આવા વડલાનો છાયો મળે તો ઘણા બધા ગુનાઓ આપ ખત્મ થઈ જાય.

આભાર.

કશુંક